Alexander Dale Oen er død, 26 år gamal. Meldinga om Alexander sin død var heilt uventa og me reagerer med sjokk og vantru. 

Våre tankar går til den næraste familie som no set att i sorg og sakn.

Behovet for barnehageplassar sør i Øygarden er stort.  For å imøtekoma behovet for plassar fram til den nye barnehagen på Toftøy er klar, har formannskapet bestemt at delar av “gamleskulen” på Toftøy skal nyttast til barnehage. Det er løyvd pengar til ombygging og drift. Løysinga vil medføre at vaksenopplæringa må flytta til andre rom i same bygget. Det vert gjort tiltak for å finna gode løysingar også for vaksenopplæringa.

Den midlertidige barnehagen er tenkt å vera operativ frå 1. august (i år) og vil ha to avdelingar.

Den nye barnehagen som NLM Barnehager no byggjer på Toftøy vil stå klar på slutten av dette året.

TVØ har lenge arbeidd med å bygd eit leilighetsanlegg nord-aust for rådhuset, mot fjorden, som skulle romma ulike grupper av brukarar,  m.a. menneske med nedsett funksjonevne (PU) og eldre. Det er utarbeidd eit såkalla forprosjekt for dette prosjektet. Les meir om dette i vårt valprogram.

Dette er no avvist av den nye posisjonen og det skal no planleggast kun bustadar for PU brukarar. Det er tale om små bustadar i tun, mest sannsynleg på Rong. Den same posisjonen har klaga på blandinga av brukarar i det store leilighetsanlegget og at PU-brukarar skal bu spreidd. Men no vert det altså likevel planlagt bustadar i fellesskap. Kvifor då ikkje satsa på leilighetsanlegget som alt er planlagt, der flere grupper kunne fått sine bustadbehov dekka?

Eit fleirtal i kommunestyret har gitt plan- og byggenemda fullmakt til å setja i gong med bygging av ny skule på Tjeldstø. Vedtaket inneheld ikkje noko økonomisk ramme for tiltaket.

TVØ kom med framlegg i kommunestyret om at tiltaket måtte konsekvensvurderast før oppstart. Det står i budsjettvedtaket for 2012 at alle nye tiltak skal konsekvensvurderast for m.a. drifts- og finansieringsutgifter. Dette vart fullstendig avvist av fleirtalet, sjølv om bygging av skule på Tjeldstø antageleg er det største prosjektet i denne kommunestyreperioden.

Det er ikkje lagt fram finansieringsplan for tiltaket.